باتيسري ام وليد مكتوبة وصفات لذيذة واقتصادية

0

اليوم سنقترح عليكم العديد من وصفات الباتيسري الخاصة بام وليد والتي تعتبر مشهورة وناجحة التحضير عبر مكونات قليلة واقتصادية كما انها اشتهرت كيفية تحضير هذه الحلوى عن طريق السيدة ام وليد فقط   , الوصفات المختارة من فيديوهاتها الخاصة رائعة ومثالية للاتحضير كما انها لا تحتوي على مكونات كثيرة ويمكنك تحضيرها منزليا ومن ابرز الوصفات التي اخترناها لكم اليوم هي باتيسري المنزل باتيسري بالموسلين باتيسري عيد ميلاد الاطفال.باتيسري ام وليد مكتوبة.

اقرا ايضا : تحلية ام وليد مكتوبة

باتيسري ام وليد مكتوبة فالبيت

المكونات :  باتيسري ام وليد مكتوبة 

  • كاس الا ربع فرينة ونشاء مخلوطين مع بعض مع قبضة خميرة كيميائية
  • نصف كاس سكر عادي
  • 4 بيضات مفصولين الصفار عن البياض
  • 4 ملاعق كبيرة زيت

طريقة التحضير : 

ضربي بياض البيض مع نصف كمية السكر حتى تتحصلي على ميرانغ
ضربي صفار البيض مع الباقي من السكر حتى يتكاثف الخليط ويبيض ثم اضيفي الزيت وضربي
اخلطي البياض مع الصفار برفق من الاسفل الى الاعلى ثم اضيفي خليط الفرينة والنشاء والخميرة بالتدريج على اربع مراحل كل مرة حطي شوية في الصفاية وانخليها فوق الخليط
ادهني صينية فرن 30 على 34 سم بالمرغرين ورشيها بالفرينة ثم انفضي الفرينة الفائضة
اسكبي الخليط ومباشرة للفرن المسخن مسبقا على درجة حرارة 180
عندما ينضج قطعيه وهو داخل الصينية وانزعي الحبات .

اقرا ايضا : قريوش ام وليد

باتيسري المنزل

طريقة التحضير : باتيسري ام وليد مكتوبة 

الخطوة الاولى:تحضير الجينواز
عملت 2 جينواز أي كعكة اسفنجية لكن بالمول المربع
الجينواز الاولى خليتها عادية و الثانية نحيت 2 ملاعق كبيرة فرينة و عوضتهم بالكاكاو الاسود وخرجت بنية بالطبع و بنة اخرى بعدما بردو لجينواز مليح قسمت كل واحدة على 2 اصبح عندي 4طبقات بلونين مختلفين
الخطوة الثانية: تحضير الكريمة و رغوة الشوكولا و القطر
من ناحية اخرى حضرت كريمة الشونتي (100غ بودرة الشونتي+100غ حليب بارد جداا جداا من الثلاجة مباشرة عندما قلت 100غ حليب يعني توزني الحليب كيما المواد الجافة ثم بالباتور تضربي الحليب مع بودرة الشونتي مليح حتى تصبح كريمة تضعيها في الثلاجة اذا لم تستعمليها في الحين و بالنسبة la mousse de chocolat موس (رغوة ) الشوكولاطة( انانعطيك مقادير مصغرة و اذا حبيتي كمية اكبر ضاعفي المكونات) ;على حمام مائي ديري علبة100غ شوكولاطة سوداء بالطبع تقسميها قطع او تقدري حتى تكرفجيها باش تذوب بسهولة تضيفيلها حوالي ملعقة كبيرة مارقرين و حركي حتى تتجانس و تذوب كلية تنحيها من الفرن و تضيفيلها 2 صفار بيض و تحركي بالفوي اليدوي بسرعة و دون توقف حتى لا ينضج البيض من ناحية اخرى البياض طلعيه بالباتور على شكل مادة ثلجية و دخليه في الخليط نتاع شوكولا مارقرين و صفار بيض بملعقة خشبية و برفق و بفس الاتجاه حتى يدخل مليح و تتجانس كل المواد و بهذا تكوني تحصلتي على رغوة الشوكولا خليها تبرد قليلا في هذه الاثناء تكوني مسبقا حضرتي القطر او sirop و كيفية تحضيره كالآتي:
(1 كأس سكرعادي+2كأس من الماء+قطعة من الليمون،ضعي الكل في كسرونة على نار متوسطة حركي حتى يذوب السكر ثم أتركيه يغلي حتى يصبح ثقيل قليلا(قوام {texture}متوسط لا هو خفيف جدا كالماء و لا هو ثقيل جدا كالعسل). و ممكن تضيفيلو أي نكهة تحبيها

الخطوة الثالثة:تركبيب الكعكة
: لازم تحضري كل شئ امامك ديري كمية كريمة الشونتي في الكيس الحلواني poche àdouille و تتركي كمية باشتطلي بيها كل الجينواز
اولا القطعة الاولى نتاع الجينواز شربيها بالسيرو مايكونش سخون ثم ديري كمية من الكريمة و وزعيها على كل الطبقة ثم ضيفي الطبقة الثانبة نتاع الجينواز لي درناها بالكاكاو ثم شربيها هي الاخرى و ضيفيلها موس الشوكولا و هكذا حتى تكملي كل الطبقات و الطبقة الاخيرة ماتشربيهاش بالسيرو مباشرة طليها بالكريمة و غلفي كل الكعكة نتاعك بالشونتي
بالنسبةللتزيين الجوانب استعملي مكسرات تكون مرحية خشين او شوكولت مبشورة حسب واش يتوفر عندك
و التزيين من الفوق بالكريم شونتي و اذا حبيتي تعطي عدة الوان و اذواق للكريمة نتاعك عندما تحضريها قسميها و جزء ضيفيلو علبة فلان فاني و ضربيها مع الكريمة او فراز او كاكاو انت و الذوق ديالك و ممكن تزينيها بالفواكه الي تتوفر في الموسم
و في التزيين يكتشف الانسان قدراته و ابداعاته
و في الاخير نقولك انشاء الله تجربيها و تنجحي فيها و تاكليها انت و احبتك بالصحة و العافية
و انشاء الله نكون وصلتك الفكرة و شرحتلك شرح كافي حتى تتحصلي على اروع كيكة
دعوة في ظهر الغيب تكفيني اختي في الله

اقرا ايضا : حلويات ام وليد الجديدة

باتيسري بالموسلين

المقادير: باتيسري ام وليد مكتوبة
  • 200 غ زبدة ذائبة وباردة.
  • كوب سكر.
  • 6 ملاعق كبيرة عسل.
  • بيضتين.
  • فنيليا.
  • ملعقتان كبيرتان كاكاو أسود.
  • قرصة ملح.
  • كيس ونصف خميرة كميائية.
  • فرينة.
  • لكرام موسلين:
  • لتر حليب.
  • 5 صفار بيض.
  • 220غ سكر.
  • 4 ملاعق كبيرة نشاء.
  • فنيليا.
  • 250غ زبدة.
طريقة التحضير:
في وعاء نخفق البيض مع السكر والفنيليا حتى يتضاعف حجمه.
نضيف الزبدة تدريجيا ثم العسل والكاكاومع مواصلة الخفق.
نضيف تدريجيا الفرينة والخميرة الكميائية حتى نحصل على عجينة سهلة الإستخدام.
نقسم العجينة إلى 3 كرات متساوية ندخل 2 منهم إلى الثلاجة.
نحل العجينة المتبقية بالحلال رقيقة ونضعها في صينية فوق ورق الزبدة .
نثقبها بالشوكة وندخلها فرن على حرارة 180°م حتى تحمر من الجوانب قليلا.
نعيد نفس العملية مع الكراتين المتبقيتين.
في وعاء نضع صفار ، النشاء ، السكر ونخفق الكل جيدا حتى يتجانس الخليط.
نفرغ الحليب مع الفنيليا في كاسرونة ونضعها فوق النار حتى يغلي الحليب.
نرفع الكاسرونة من فوق النار ثم نضيف الخليط مع التحريك بسرعة.
نعيد الكاسرونة فوق نار هادئة ونحرك حتى تعقد الكريمة ونطفئ.
نضيف 50 غ زبدة ونحرك ثم نغطي الكريمة ببلاستيك غذائي ونتركها حتى تبرد تماما.
نضيف قطع الزبدة الطرية المتبقية إلى الكريمة ونخفق بالباثور حتى نتحصل على كريم موسلين لامعة.
نضع 3 طبقات الحلوى ووسط كل طبقتين نعمل طبقة من الكريم موسلين .
نغطي الحلوى جيدا بالألمنيوم وندخلها الثلاجة 24 ساعة حتى تصبح طرية.
عند التقديم تقطع الحلوى وتزين حسب الرغبة وبالصحة والعافية.

 

باتيسري عيد ميلاد الاطفال

المكونات :  باتيسري ام وليد مكتوبة

  • مقادير الجينواز:
  • 4 حبات بيض
  • 1 كأس سكر
  • 1 و نصف كأس فرينة
  • 1 ملعقة صغيرة فانيليا
  • 1 خميرة الحلويات
  • مقادير السيرو:
  • 1 كاس سكر
  • 2 كأس ماء
  • مقادير كريمة الشونتيي:
  • 1 كأس بودرة الشونتيي
  • 1 كأس ماء بار

طريقة التحضير : 

نشعل الفرن يسخن على 180 درحة قبل بداية العمل يجب ان يكون البيض بدرجة حرارة الغرفة غير بار نخلط جيدا بالخلاط الكهربائي البيض مع السكر حتى يصبح الخليط على شكل كريمة نضيف الفانيليا مغربلة و نواصل الخلط حتى يتضاعف حجم الخليط نضيف الفرينة و خميرة الحلويات مغربلين و نواصل الخلط بالملعقة فقط و بتأني من الاسفل للاعلى حتى تندمج الفرينة مع الخليط نفرغ الخليط في صينية فرن فيها ورق طهي ثم نسويه على سمك واحد ندخله للفرن المسخن مسبقا على 180 درجة حتى تأخذ لون ذهبي نحضر خليط اخر بنفس المقادير و نفس الطريقة لاستعماله في الكيكة ثم نتركهم يبردوا جيدا قبل مواصلة العمل.

تحضير السيرو:

نخلط السكر مع الماء ونضعهم يغلوا فوق النار لمدة 10 دقائق بعد ما نطفئ النار نضيف له قليل من الفانيليا ثم نتركه يبرد قبل الاستعمال.

تحضير كريمة الشونتيي:

نخلط دون توقف بالخلاط الكهربائي بودرة الشونتيي مع كأس ماء او حليب بارد حتى نتحصل على كريمة

تحضير الكيكة: باتيسري ام وليد مكتوبة

اذا لم نجد صينية لتقديم الكيكة نغلف كرتونة عادية بورق المنيوم و نضع فوقها الكيكة نقسم الجينواز بعد ما تبرد جيدا كل قسم على جزئين نضع اول جزء او طبقة فوق صينية التقديم و نشربها بالسيرو بارد ثم نضع فوقها طبقة من كريمة الشونتيي نضيف فوقها الطبقة الثانية و نشربها كذلك بالسيرو و نضع فوقها طبقة من كريمة الشونتيية نضع الطبقة الثالثة بنفس الطريقة و نفس الخطوات نضع الطبقة الرابعة من الجينواز و نضع فوقها ورق طهي و نضغ قليلا على الكيكة من الاعلى نضع الكيكة في الثلاجة حتى تبرد جيدا.

ثم نقطع الاطراف بسكين مسنن نجهز كريمة شونتيي اخرى بنفس مقادير الاولى و نغطي بيها كامل الكيكة من الاعلى و من الاطراف نزينها من الاعلى بورقة مصنوعة من السكر و القوفريط مرسومة نجدها عند بائع اغراض الحلويات بعد وضع الورقة فوق الكيكة ندهنها بقليل من لاجولي نضع كريمة الشونتيي في كيس حلواني و نزين بيها الكيكة بوضع ورود في الاطرا  و نزينها بحبات حلوى ملونة تشبه الحجارة و يبقى التزيين اختياري  نتركها تبرد جيدا قبل تقسيمها.

 

Summary
باتيسري ام وليد مكتوبة وصفات لذيذة واقتصادية
Article Name
باتيسري ام وليد مكتوبة وصفات لذيذة واقتصادية
Description
باتيسري ام وليد مكتوبة وصفات لذيذة واقتصادية انواع واذواق مختلفة وصفات ناجحة ومجربة منزليا كما انها اقتصادية وغير مكلفة اطلاقا .
Author
Publisher Name
free fire arab space
Publisher Logo

Leave A Reply

Your email address will not be published.